रत्नपार्कं ल्वाभः नापं निम्ह ज्वन

येँ (सन्ध्या टाइम्स)/थनया पुलांगु बसपार्क रत्नपार्क लागाय् ल्वाभः सहित निम्ह मनूतय्त प्रहरीं थौं सुथय् ज्वंगु दु। महानगरीय प्रहरी आयुक्तया पुचलं इमित थौं सुथय् ल्वाभः नापं ज्वंगु खः। आः उमित महानगरीय प्रहरी अपराध महाशाखा हनुमानध्वाखाय् यंकाः अनुसन्धान यानाच्वंगु खँ धाःगु दु ।

ल्वाभः नापं ज्वंपिं मनूत सु सु खः नापं इमिके दुगु ल्वाभः गज्याःगु खः धइगु बारे नं प्रहरीं सार्वजनिक याःगु मदुनि। इमिसं छु प्रयोजनया नितिं ल्वाभः ज्वनावःगु खः धकाः सीके फुगु अवस्था मदुनि ।