भाः थकाःगु विरुद्ध बुटवलय् सरकारी गाडी तोडफोड

येँ (सन्ध्या टाइम्स)/पेट्रोलियम पदार्थय् भाः थकाःगु विरुद्ध थौं बुटवलय् विद्यार्थीतय्सं प्रदर्शन यानाः सरकारी गाडी तोडफोड याना बिउगु दु। चक्काजाम यायेगु झ्वलय् यातायात व्यवस्था कार्यालयया बा. ५ च ९०४९ नम्बरया गाडी तोडफोड याःगु खः। अखिल क्रान्त्रिकारी, नेविसंघ, अनेरास्ववियु नापं थीथी विद्यार्थी संगठनपाखें थौं बुटवलया ट्राफिक चोक, मिलन चोक नापं थाय् थासय् प्रदर्शन याःगु खः। चक्का जाम यानाः प्रदर्शन याःगुलिं अन यातायात प्रभावित जूगु दु ।