माओवादी बैठक हाकनं लिछ्यात
येँ (सन्ध्या टाइम्स)/एकीकृत माओवादी केन्द्रीय कमिटीया बैठक हाकनं लिछ्याःगु दु। कन्हय्निसें यायेगु धयातःगु उगु बैठक लिछ्यानाः आः पुष २ गतेनिसें जक यायेगु खँ माओवादी स्थायी समितिया दुजः टोपबहादुर रायमाझीं धयादीगु दु। पार्टी अध्यक्ष प्रचण्ड म्हं मफुगु नापं थनिंनिसें किसान सम्मेलन दुगुलिं बैठक लिछ्याःगु खः। माओवादीया केन्द्रीय कमिटीया बैठक लिछ्याःगु थ्व स्वक्वःखुसी खः ।
