कांग्रेस सरकारय् वनीमखु : कोइराला

नेपाली कांग्रेसया कार्यवाहक सभापति सुशिल कोइरालां कांग्रेस छुं नं हालतं माओवादी नेतृत्वया सरकारय् सहभागी मजुइगु खँ धयादीगु दु ।

कांग्रेसया छुं नेतातय्सं सरकारय् सहभागी जुइगु बिचाः प्वंकाच्वंगु ईलय् कोइरालां आःया अवस्थाय् सरकारय् वंसाः पार्टी माओवादीइ विलय जूगु थें च्वनी धयादिल ।

शुक्रवाः सुथय् कांग्रेस सभापति गिरिजाप्रसाद कोइरालाया निवास महाराजगंज् अधिकारर्मीतय्त नापलायेगु झ्वलय् वयेकलं सरकारय् वनीगु बिचाः छुं नेतातय्गु व्यक्तिगत बिचाः जूगु व अज्याःगु बिचाः यात पार्टी‌ छुं महत्व मबीग‍ु धयादिल ।

अथेहे उपसभापति रामचन्द्र पौडेलं सेनापति प्रकरणय् निर्णय यायेत कांग्रेसं ई फ्वंगु धइगु माओवादीया धापू प्रति असहमति प्वंकादिल ।