संसद आव्हान बारे राष्ट्रपति व प्रम दथुइ सहलह

एकीकृत नेकपा (माओवादी) सहित न्हय्गू दलं संसदया अधिवेशन आव्हान यायेत राष्ट्रपति समक्ष समावेदन दर्ता याःगु कन्हय् कुन्हु राष्ट्रपति डा. रामवरण यादव व प्रधानमन्त्री माधवकुमार नेपाल दथुइ संसदया आव्हान विशेषस सहलह जूगु दु ।

थौं सुथय् राष्ट्रपति भवन शितल निवास थ्यंकादीम्ह प्रधानमन्त्री माधवकुमार नेपालं राष्ट्रपति यादव समक्ष माओवादी लगायत दलतय्सं दर्ता याःगु समावेदन प्रति असन्तुष्टि प्वंकूगु खः । प्रधानमन्त्री नेपालं संसदय् खनेदुगु समस्या समाधान यायेत सरकार तयार दुगु धयादीगु खः ।

माओवादी लगायत न्हय्गू दलया १८७ सभासदतय्सं म्हिग राष्ट्रपति समक्ष संसद अधिवेशन आव्हान यायेत समावेदन दर्ता याःगु खः ।