'बहस कुर्सिया नितिं मखु'
येँ (सन्ध्या टाइम्स)/एकीकृत माओवादीया उपाध्यक्ष डा. बाबुराम भट्टराईनं क्रान्तियात दथुइ हे त्वःताः जनतायात झंगः लायेगु जुइ मखु धयादीगु दु। वय्कलं जनयुद्ध व जनआन्दोलनया ल्यं दनिगु ज्या पूवंकां हे त्वःतेगु जुइ धकाः नं धयादिल ।
अखिल क्रान्तिकारीया १८ क्वःगु बन्द सत्रयय् थौं प्रशिक्षण बियादिसें उपाध्यक्ष भट्टराईं अथे धयादीगु खः। वय्कलं आःया अवस्थाय् पार्टी दुने जुयाच्वंगु बहस कुर्सिया नितिं मखु पार्टी एकताया निंतिं खः धकाः नं दावी यानादीगु दु ।
