निगमयात निर्णय लितकायेत १३ विद्यार्थी संगठनया इनाप

थीथी राजनीतिक दल आवद्ध १३ विद्यार्थी संगठनतय्सं नेपाल आयल निगमं पेट्रोलियम पदार्थय् थकाःगु भाः लितकायेत इनाप याःगु दु ।

१३ विद्यार्थी संगठनतय् थौं च्वंगु मुँज्या लिपा पिथंगु विज्ञप्तिइ निगमं भाः थकायेगु निर्णय तत्काल लितमकासाः आन्दोलन यायेगु ख्याच्वः ब्यूगु दु । विज्ञप्तिइ निगमं संस्था दुनेया आन्तरिक सुधार यायेगु पलेसाः भाः थकाना उपभोत्तातय्त मारय् लाकेगु ज्या याःगु धाःगु दु ।

विज्ञप्तिइ निमग दुनेया व्याप्त अनियमितता, भष्ट्राचार व अपारदर्शीतायात नियन्त्रण मयासें थकागु भाः थःपिंत मान्य मजुइगु धासें तत्काल उगु निर्णय लितकायेत माग यानातःगु दु ।

अथेहे १३ विद्यार्थी संगठनं भाः थकायेगु निर्णय लितकायेत माग यासें मंगलवाः आपूर्ती मन्त्रीयात ज्ञापनपौ लःल्हाइगु जूगु दु ।