सहमति बिनाया कारवाही मान्य जुइमखु : एमाले

प्रधानसेनापति रुक्मांग कटवालयात दलतय् दथुइया सहमति बिना माओवादीं कारवाही यासाः एमालेयात मान्य मजूइगु निष्कर्ष पिकाःगु दु ।

बिहिवाः एमाले ज्याकू बल्खुइ च्वंगु स्थायी समितिया बैठकं थंज्याःगु निष्कर्ष पिकाःगु खः । बैठकं सेनापति विवादय् माओवादीं एकपक्षी निर्णय मयासें दक्व दलतय् सहमति कथं न्ह्यावनेमाःगु निर्णय याःगु खः । थुकीया निंतिं दलत दथुइया सहलह अझ तिर्व यायेगु नं निर्णय याःगु ।

थौं हे माओवादी सचिवालय् बैठकं दलत दथुइ अन्तिम चरणया वार्ता यायेगु व उकीं नं सहमति मजूसाः एकपक्षीय ढंग निर्णय यायेगु निर्णय याःगु खः ।