सहमतिं अधिवेशन
येँ (सन्ध्या टाइम्स)/सभामुख सुवास नेम्वाङं माओवादी अध्यक्ष प्रचण्डयात सहमतिया आधारय् संसदया विशेष अधिवेशन सःतेत सुझाव बियादीगु दु। थौं सुथय् प्रचण्डया छेँय् झायाः सभामुख नेम्बाङं थ्व सुझाव बियादीगु खः ।
उगु इलय् अध्यक्ष प्रचण्डं नियमित अधिवेशन आह्वान मयात धाःसा माओवादीं विशेष अधिवेशनया नितिं राष्ट्रपतियाथाय् समावेदन यायेगु जानकारी बियादीगु खः ।
सरकारं संसदया नियमित अधिवेशन सःतेत वास्ता मयाःगुलिं विशेष अधिवेशन सःतेगु धकाः माओवादीं सांसदतय्गु ल्हाःचिं मुंकेगु नापं थीथी दललिसे सहलह ब्याकेगु ज्या नं न्ह्याकेधुंकूगु दु ।
