अत्याधुनिक ल्वाभः ज्वनाः सैनिक फरार

येँ (सन्ध्या टाइम्स)/कन्चनपुरया झलारी लागाया अर्जुनी ब्यारेकं छम्ह सैनिक अत्याधुनिक ल्वाभः ज्वनाः बिसिउँ वंगु दु। दीपक शाही नांयाम्ह सिपाही एम-१६ नांगु अत्याधुनिक ल्वाभः ज्वनाः बिसिउँ वंगु खः। म्हिगःनिसें बेपत्ता जुयाच्वंम्ह उम्ह जवान थौं तक नं सम्पर्कय् मःनि धाःगु दु। सिपाही शाहीं उगु ल्वाभःया गोली नापं हे ज्वना वंगु खँ नं धाःगु दु। वयात आः सेना व प्रहरी नापं जानाः मालाच्वंगु दुसां वयागु बारे छुं हे खँ पत्ता लगे याये फयाच्वंगु मदुनि धाःगु दु ।