राष्ट्रपति-प्रधानमन्त्री खँल्हाबंला

प्रधानसेनापति रुक्मांग कटवालया कारवाहीयात कयाः राष्ट्रपति डा. रामवरण यादव व प्रधानमन्त्री पुष्पकमल दाहाल प्रचण्ड दथुइ खँल्हाबंला जूगु दु ।

राष्ट्रपति निवास शितल निवासय् जूगु खँल्हाबंलाया झ्वलय् प्रधानमन्त्री प्रचण्डं सेनापति प्रकरण बारे आः तक दलत दथुइ जूगु सहलह बारे राष्ट्रपति यादवयात जानकारी बियादीगु खः । अथेहे प्रधानमन्त्री प्रचण्डं निकास मालेत दलत दथुइ सहलह न्ह्याना हे च्वंगु व उकी राष्ट्रपतियात ग्वहालि यायेत नं इनाप यानादिल ।

राष्ट्रपति यादवं कारवाही प्रकृया दलत दथुइ सहमति यानाः याकन क्वचायेके माः धयादिल । वयेकलं बिना सहमति कारवाही मयायेत प्रधानमन्त्री प्रचण्डयात सुझाव बियादिल ।