थःत अधिकार ब्यूसाः गतिरोध क्वचाइ : सभामुख

सभामुख सुभाषचन्द्र नेम्वाङं थःत विषेशअधिकार ब्यूसाः थःम्हं राजनीतिक गतिरोध क्वचायेकीगु दावी यानादीगु दु ।

नेपाल पत्रकार महासंघ रुपन्देहीं थौं बुटवलय् याःगु पत्रकार नापलायेगु ज्याझ्वलय् समामुभ नेम्वाङं थःत दलतय्सं अज्याःगु अधिकार ब्यूसाः प्रधानमन्त्रीया निर्वाचनया विवाद नापं राजनीतिक अन्यौल क्वचायेकीगु धयादिल ।

अथेहे वय्कलं वंगु मंसिर ३ गते संसदय् अर्थमन्त्रीयात जूगु आक्रमणया छानबिन यानाः लःल्हाःगु प्रतिवेदन थः नाप दुगु धासें उगु प्रतिवेदन अध्ययन यानाः दोषीतय्त कारवाही यायेगु धयादिल ।