थौं निष्ठानन्दया १५४ दँ बुदिं

येँ (सन्ध्या टाइम्स)/गद्यगुरु पं. निष्ठानन्द वज्राचार्यया १५४ दँ बुन्हि हनेत थौं निष्ठानन्द स्मृति गुथिपाखें ओमबाहालय् वय्कःया झ्वाता न्ह्यःने छगू ज्याझ्वः यात। गुथिया नायः सुवर्ण शाक्यया सभापतित्वय् जूगु उगु ज्याझ्वलय् प्रेमहिरा तुलाधरं पं. निष्ठानन्द बारे न्ववानादिलसा कवि दुर्गालाल श्रेष्ठं कविता न्यंकादिल। ज्याझ्वलय् थीथी साहित्यकार, भाषासेवीपिंसं पं. निष्ठानन्दया झ्वाताय् स्वां देछासें वय्कः प्रति श्रद्धा प्वंकादीगु खः ।