बन्दं नवलपरासीइ जनजीवन प्रभावित
येँ (सन्ध्या टाइम्स)/मधेसी जनअधिकार फोरम नेपालं थनिंनिसें अनिश्चितकालीन नवलपरासी बन्द आह्वान याःगुलिं अनया जनजीवन प्रभावित जूगु दु ।
वंगु मंसीर ६ गते जिल्ला प्रहरी ज्याकू लागाय् हे प्रहरी उपरीक्षक कृष्णप्रसाद गौतमं फोरमया कार्यकर्तायात दुर्ब्यवहार याःगु धासें उकिया विरोधय् फोरमपाखें बन्द आह्वान याःगु खः ।
बन्द आह्वान यानातःगुलिं यातायात, शैक्षिक संस्था, उद्योग, यातायात फुक्कं ठप्प जूगु दु ।
