प्वाथय् दुम्ह मिसा सीवं राजमार्ग अवरुद्ध

येँ (सन्ध्या टाइम्स)/ चिकित्सक लापरवाहीं मचा बुइकेत्यंम्ह छम्ह मिसा सीगु द्वपं बिसें मिसाया थःथिति व स्थानीय मनूतय्सं चितवनया पूर्वपश्चिम राजमार्ग बन्द याना बिल। इमिसं थौं अन टायर च्याकाः लँय् पना बिउगुलिं अन गाडी बन्द जूगु दु। भरतपुर अस्पतालय् वासः याकाच्वंम्ह न्हय्लाया प्वाथय् दुम्ह अनिता पौडेल वंगु चान्हय् सीगु खः। तर अनिता सीधुंकाः चिकित्सकतय्सं वया आखः मसःम्ह छम्ह थःथितियात ल्याप्चे तयेकाः सीम्ह जिम्मा बिउगुलिं वया मेपिं थःथितिपिंसं मृत्युयात शंकास्पद तायेकुसें विरोध याःगु खः ।