राजनीति यायेगु इच्छा मदु: पारस
येँ (सन्ध्या टाइम्स)/देशय् सांस्कृतिक राजतन्त्रया चर्चा वसांनिसें थीथी धार्मिकस्थलया भ्रमणय् सक्रिय जुयाच्वंम्ह पुलांम्ह युवराज पारस शाहं थःपिं राजनीतिइ वयेगु छुं हे इच्छा मदुगु खँ कनादीगु दु। म्हिगः धादिङया प्रमुख धार्मिकस्थल त्रिपुरासुन्दरी भगवतीया पुजा यानाः लिहां वयेगु झ्वलय् पत्रकारतलिसे खँ ल्हासें वय्कलं थ्व खँ धयादीगु खः।
वय्कलं थः अन भगवतीया दर्शन यायेत जक वयागु खँ कँसें थः कलाः हिमानी शाहं चायेकूगु हिमानी ट्रष्टय् थःगु संलग्नता मदुगु खँ नं स्पष्ट यानादिल ।
