प्रस्तावनाया खँय् कार्यदल असफल
येँ (सन्ध्या टाइम्स)/न्हूगु संविधानया प्रस्तावनायात अन्तिम रुप बीगु खँय् उच्चस्तरीय राजनीतिक कार्यदलया मुँज्या थौं नं असफल जूगु दु ।
दलतय्गु दथुइ संविधानया नांया न्ह्यःने 'जनता' खँग्वः तयेगु ला कि मतयेगु, आत्मनिर्णयया अधिकार, जनयुद्ध, बहुलवादया सवालय् दलया नेतातय्गु दथुइ विवाद जुयाः प्रस्तावनायात अन्तिम रुप बी मफुगु खः। थ्व हे मंसीर २५ गते तकया म्याद दुगु उगु कार्यदलं उगु ईया दुने व प्रस्तावनाया सवालय् विवाद जुयाच्वंगु खँ ज्यंके फइगु अवस्था मदया वनाच्वंगु दु। मूल रुपं एकीकृत माओवादी, नेपाली कांग्रेस व एमालेया नेतात थःथःगु अडानय् च्वनाच्वंगु दु ।
