राजदूतयात उपस्थित मजुइत निर्देशन

येँ (सन्ध्या टाइम्स)/आःयागु कामचलाउ सरकारं वइगु शुक्रवाः जुइगु नोबल शान्ति पुरस्कार इनेगु समारोहय् उपस्थित मजुइत राजदूत सुरेशचन्द्र चालिसेयात निर्देशन बिउगु दु। स्रोतं बिउगु जानकारी कथं चीनं वंगु दँय् याःगु इनाप कथं सरकारं थुगु निर्णय याःगु खः। चालिसे बेलायतया नितिं नेपाःया राजदूत खः। बन्दी अवस्थाय् हे दुम्ह चिनियाँ विद्रोही लिउ जियाबाओयात नोबल शान्ति पुरस्कार बीगु घोषणा जुसांनिसें उकियात कयाः चीनं आपत्ति प्वंकाः वयाच्वंगु खः। नोबल पुरस्कार त्याकादीम्ह जियाबाओं 'आन्तरिक मामिलाय् चुनौति' बिउगु अभियोगय् चीनय् ११ दँया कैद सजाय फयाच्वंम्ह खः ।