पेस्तोल व गोली नापं स्वम्ह ज्वन

येँ (सन्ध्या टाइम्स)/इलामय् थौं सुथय् स्वम्हेसित ल्वाभः नापं प्रहरीं ज्वंगु दु। मेची राजमार्गअन्तर्गत इलामया किटेनी ढाटा लागाय् प्रहरीं ज्वंगु खः। झापा सुरुङ्गा ९ या २३ दँ दुम्ह विनोद कार्की व १९ दँया लवकुमार श्रेष्ठ व भारत पानीटङ्कीया २० दँ दुम्ह बल्लु राजवंशीयात प्रहरीं ज्वंगु खः। इलाका प्रहरी ज्याकू पशुपातिनगरपाखें गस्ती वंगु प्रहरीया पुचलं इमित ल्वाभः नापं ज्वंगु खः। प्रहरीं पेस्तोल व गोली नापं इमित ज्वंगु खःसा आः अनुसन्धान जुयाच्वंगु दु ।