मंकाः खलःया धापू
येँ (सन्ध्या टाइम्स)/नेपालभाषा मंकाः खलःया बिज्यासलय् च्वंगु जग्गाया बारे छगू पत्रिकाय् पिहां वःगु समाचारयात कयाः खलःया नायः पद्मरत्न तुलाधरं वक्तव्य पिकासें उगु जग्गाय् म्वाःमदुगु ज्या जूगुलिं जग्गाया लिक्कसं च्वंगु छगू स्कूलयात दछिया छगू लाख तकां बालं बियागु व अनं वःगु दां सुरक्षित दुगु खँ न्ह्यथनादीगु दु। थ्व करार दछिया लागिं जूगु व वयां लिपा ३५ न्हुया सुचं बियाः गुगुं नं इलय् थने फइगु खँ नं न्ह्यथनातःगु दु ।
