प्रस्तावनाय् अझ नं विवाद यथावत

न्हूगु संविधानया प्रस्तावनाय् दुथ्याकेगु थीथी प्यंगू बुँदाय् खनेदुगु विवादय् अझ सहमति जुइमफुनी । प्यंगू बुँदा बाहेकया अधिकांशय् धाःसा उच्चस्तरीय कार्यदलय् सैद्धान्तिक सहमति जूगु दु ।

थौं च्वंगु कार्यदलया मुँज्याय् विवादीत पीन्हय्गू विषय मध्ये परिच्छेद-३य् दुगु 'जनयुद्ध' खँग्वः, परिच्छेद-५य् दुगु 'बहुलवाद' व परिच्छेद-७य् दुगु 'जनताया आत्मनिर्णयको अधिकार' व उकीया छ्यलाबुला सम्वन्धी परिभाषाय् मतभेद जूगु खः ।

जनयुद्ध, बहुलवाद, आत्मनिर्णयया अधिकारया छ्यलाबुला सम्वन्धी व्याख्या नापं संघीय लोकतान्त्रीक गणतन्त्र धायेगु विषयलय् नं विवाद दनी । माओवादीं संघीय लोकतान्त्रीक गणतन्त्रया न्ह्यने जनताया संघीय लोकतान्त्रीक गणतन्त्र च्वयेमाःगु अडान मत्वतेवं थौंया मुँज्या बिना निष्कर्ष क्वचाःगु खः ।