'न्हूगु ढंगं सांस्कृतिक सम्झौता परिमार्जन यायेमाः'
नेपाः भ्रमणय् दीम्ह चिनियाँ संस्कृति मन्त्री खाई बों नेपाः व चीन दथुइया सांस्कृति सम्झौता न्हूगु परिस्थितिलय् न्हूगु ढंगं परिमार्जन यायेमाःगु खँ धयादीगु दु ।
संस्कृति मन्त्री बोया नेतृत्वय् वःगु ६म्ह दुजः दुगु प्रतिनिधिमण्डलं थौं राष्ट्रपति डा. रामवरण यादवयात नापलाना उगु खँ धाःगु खः । राष्ट्रपति भवन शितल निवासय् जूगु खँल्हाबंलाय् नेपाः व चीनया सांस्कृतिक स्वापुया नापं आपसी हितया विषयलय् सहलह जूगु खः ।
खँल्हाबंलाया झ्वलय् संस्कृति मन्त्री बों चीनय् नं बुद्ध धर्मप्रति आस्था तइपिं मनूतय् ल्याः अप्वः दुगुलिं लुम्बिनीया विकास व चिनियाँ नागरिकयात लुम्बिनी भ्रमण यायेत थःम्हं प्रोत्साहन यायेगु धयादिल ।
थौं हे सन् २००९या अर्थ शास्त्रया नोबेल सिरपा त्याकादीम्ह इलिनोर ओस्ट्रोमं नं राष्ट्रपति यादवयात नापलाना खँल्हाबंला यानादीगु दु ।
