शोभराजया क्वथाय् मोबाइल
येँ (सन्ध्या टाइम्स)/येँया सेन्ट्रल जेलय् कुनातःम्ह अन्तर्राष्ट्रिय अपराधी चार्ल्स शोभराजया खोरं निगः मोबाइल व छगः आइपड बरामद याःगु दु। जेलया कैदीतय्त मोबाइलया छुट बियातःगु मदु। तर शोभराजयाके निगः निगः मोबाइल गय् यानाः वल, थ्व धाःसा रहस्यमय जूगु दु ।
आइपड चाहिं वया नेपाली मंगेतर निहिता विश्वासं शोभराजया बुन्हिया लसताय् उपहार बिउगु खः। बरामद याःगु मोबाइलपाखें शोभराजं अप्वः यानाः निहितालिसे हे खँल्हाबल्हा याःगु पत्ता लगे जूगु दु। उकी मेमेपिनिगु मोबाइल नम्बर मालेगु ज्या नं जुयाच्वंगु दु। छुं दँ न्ह्यः शोभराजया क्वथां इन्टरनेट जडान यानातःगु ल्यापटप कम्प्युटर नं बरामद याःगु खः ।
