विकिलिक्सय् नेपाः
येँ (सन्ध्या टाइम्स)/थौंकन्हय् तहल्का मचे यानाच्वंगु विकलिक्सं नेपाः सम्बन्धी गोप्य सूचना ला आः तक जारी मयाःनि। तर पाकिस्तान बारे पिकयातःगु छगू गोप्य सूचनाय् धाःसा नेपाःया नां नं स्वानाच्वंगु दु ।
इस्लामावादय् छ्वयातःगु छगू सूचनाय् आतंकवादी समूह लस्कर-ए-तोयबा पाकिस्तान नापं भारत, नेपाल व बंगलादेशय् सक्रिय जुयाच्वंगु दु धइगु खँय् थःपिंत विश्वास दु धकाः च्वयातःगु दु। लुमंकेबहः जू, भारतं नं नेपालय् तोयबा पुचलं भारतीय माओवादीयात तालिम बियाच्वन धकाः द्वपं बिउगु खः ।
