ट्रान्स्फर्मर मुयाः झिंखुम्ह घाःपाः
येँ (सन्ध्या टाइम्स)/चितवनया ढोडेनी गामय् थौं सुथय् विद्युत ट्रान्सर्फमर मिं नयाः गांन्यंकं हे करेन्ट प्रवाह जुयाः झिंखुम्ह घाःपाः जूगु दु। उकी प्यम्हेसिया अवस्था गम्भीर दु। उमित अस्पतालय् वासः याकातःगु दु। थौं सुथय् ५ बजेपाखे आकाझाकां विद्युत ट्रान्स्फर्मर मिं नयाः गांया फुक्क धइथें छेँय् करेन्ट प्रवाह जूगु खः। अथे आकाझाकां गां छगुलिं करेन्ट प्रवाह जुइवं गांया मनूत त्रसित जूगु खः ।
