नरेशयात ग्वाहालि यायेत सहयोग समिति
येँ (सन्ध्या टाइम्स)/नेपालभाषाया कार्यकर्ता नरेशकुमार शाक्ययात आर्थिक ग्वहालि यायेगु ल्याखं म्हिगः च्वंगु छगू मुँज्यां नरेशकुमार शाक्य सहयोग समिति नीस्वंगु दु। निगलं जलस्येँ स्यनाः म्हं मफयाच्वंम्ह शाक्ययात वासः यायेत माःगु आर्थिक ग्वाहालि मुंकेगु निंतिं भाजु पवित्र वज्राचार्यया संयोजकत्वय् उगु समिति नीस्वंगु खः। समितिया सह संयोजकय् विद्यासुन्दर शाक्य व सचिवय् भिमसेन राजबाहक च्वनादीगु दु ।
अथे हे दुजलय् सुजीव वज्राचार्य, सानुराजा शाक्य, सुरेश मानन्धर, रविन साय्मि, उदेन न्हूसाय्मि, चिनियामान वज्राचार्य, कविन्द्रशेखर रिमाल, नरेशवीर शाक्य, सुरेन्द्रभक्त श्रेष्ठ, जिनेश श्रेष्ठ, जितेन्द्रविलास वज्राचार्य, कुमार रंजित, राजेन्द्र रंजित, सचिर महर्जन, अमृतमान स्यस्यः, पुण्यवती बलामि, शुभशान्ति वज्राचार्य, शिलरत्न स्थापित, रामेश्वर श्रेष्ठ, विकास डंगोल, पद्म श्रेष्ठ च्वनादीगु दु ।
एशियन अफसेट प्रेसया ग्राफिक्स डिजाइनर नं जुया च्वनादीम्ह शाक्ययात ग्वाहालि यायेत म्हिगःया मुँज्यां ३९,९५६/ तकां दां म्हःगु खः। थ्वहे झ्वलय् थनया १३ वडाय् नं वय्कःयात ग्वाहालि यायेगु ल्याखं स्थानीय नेपालभाषाया कार्यकर्ता दिलबहादुर मानन्धरया संयोजकत्वय् छगू पुचः गठन याःगु दु ।
