जनविद्रोह व सत्ता कब्जाया सम्भावना मदु : देउवा

नेपाली कांग्रेसया नेता शेरबहादुर देउवां माओवादीं धाः कथं जनविद्रोह व सत्ता कब्जाया सम्भावना मदुगु खँ धयादीगु दु ।

नेपाल प्रेस युनियन चितवनं मगलवाः सुथय् नारायणगढय् याःगु पत्रकार सम्मेलनय् नेता देउवां लोकतान्त्रिक देशय् सत्ताकब्जा व विद्रोहया सम्भावना मदुगु टिप्पणी यानादिल । वय्कलं माओवादीयात ल्वाभःया दम्भ त्वःता लोकतान्त्रिक लँपुइ वयेत नं इनाप यानादिल ।

अथेहे वय्कलं कांग्रेस दुने खनेदुगु विवाद सामान्य जुसां पत्रपत्रिकां उकीयात बढाइ चाढाइ यानाः च्वःगु द्वपं बियादिल । पार्टी दुनेया विवाद पार्टीया शीर्ष नेतात च्वनाः याकनं हे ज्यंकीगु नं वय्कलं धयादिल ।