येँय् कम्लरी आन्दोलन
येँ (सन्ध्या टाइम्स)/सरकारं फ्याःगु बजेट काये मखंगुलिं दाङनापं पश्चिम नेपाःया मुक्त कम्लरीतय्सं आः राजधानी केन्द्रित आन्दोलन याइगु जूगु दु ।
मुक्त कम्लरी विकास मञ्चं पुसया निगूगु वाःनिसें पश्चिम नेपाःया न्यागू जिल्लाया कम्लरीत येँय् वया आन्दोलन यायेगु जुइ धाःगु दु। आन्दोलनया नितिं दाङ, बाँके, बर्दिया, कैलाली, कञ्चनपुरया मुक्त कम्लहरीत येँय् वयेत्यंगु खँ मञ्चं धाःगु दु। गबलय् तक थःपिनि माग पूरा जुइ मखु अबलय् तक हे राजधानी केन्द्रित आन्दोलन यायेगु खँ मञ्चया दाङया अध्यक्ष मञ्जीता चौधरीं कनादीगु दु ।
