नेपाःमि ज्वनेवं..

येँ (सन्ध्या टाइम्स)/भारतया राजधानी न्हूदिल्लीइ विष्फोटक डिटोनेटर सहित ज्वंम्ह छम्ह नेपाली नागरिकयात भारतीय माओवादीलिसे नं स्वापू दुम्ह खः लाकि धकाः छानबिन यानाच्वनागु खँ दिल्ली प्रहरीं धाःगु दु। लोकनाथ पन्त (४२ दँ) नांयाम्ह उम्ह मनूयात ५०० गू डिटोनेटर सहित ज्वनागु व वयागु स्वापू नेपाःया माओवादीलिसे दुगु खँ सीदयेधुंकल धकाः नं धाःगु दु। आः वं थ्व डिटोनेटर गनं कया हःगु व गन यंकेत्यंगु धकाः छानबिन यानाच्वंगु दु। दिल्ली प्रहरीं थ्व विष्फोटक ज्वलं वं पक्का नं भारतीय माओवादीयाथाय् यंकेत्यंगु जुइमाः धकाः अनुमान यानाच्वंगु खँ धाःगु दु ।