'मधेसवादी दलतय्सं प्रमया निंतिं याःगु माग तर्क संगत मजू'

उपराष्ट्रपति परमानन्द झां मधेशवादी दलतय्सं प्रधानमन्त्रीया निंतिं याःगु दावी तर्क संगत मजूग टिप्पणी यानादीगु दु ।

इलमा भ्रमणय् दीम्ह उपराष्ट्रपति झां सोमवाः पत्रकारतनाप खँल्हाबंला यानादिसें माओवादी, कांग्रेस व एमाले थंज्याःगु तःधंगु दलत संसदय् दुगु इलय् मधेसवादी दलतय्सं प्रधानमन्त्रीया माग याये मिले मजूनिगु धयादिल ।

मधेसी जनअधिकार फोरम नेपालया नेता नापं जुयादीम्ह उपराष्ट्रपति झां मधेसवादी नेतात नाप सरकारया नेतृत्व यायेगु हैसियत विकसित मजूनिगु तकं धयादिल ।

अथेहे मेगू छगू प्रशंगय् वय्कलं आःया थें राजनीतिक गतिरोधया अवस्था ब्वलनाच्वनीगु खःसा इलय् संविधान निर्माण जुइगु खँय् थःत विश्वास मदुगु धयादिल । वय्कलं दलत मिलेजुया वनेगुया विकल्प मदुगु धासें थुकीया निंतिं प्रमुख स्वंगू दलतय्सं सहमति यायेमाःगु धयादिल ।