थौंया कार्यदल मुँज्या निष्कर्षविहीन

संविधानसभाया विवादित विषयत ज्यंकेगु निंतिं निस्वंगु उच्चस्तरीय कार्यदलया थौं च्वंगु मुँज्याय् संवैधानिक समितिलय् दुगु विवादित विषयस सहलह जुसां छुं नं सहमति जुइमफुत ।

सिंहदरवारय् च्वंगु मुँज्याय् थीथी इलय् जूगु आन्दोलनयात संविधाननय् गुकथं न्ह्यथनेगु धइगु बारेय् दलत दथुइ विमति जुइवं मुँज्या निष्कर्षविहीन जूगु खः । मुँज्याय् माओवादीं जनयुद्ध, मधेशवादी दलतय् मधेश आन्दोलन व थीथी आदिवासी जनजातिय् सतक आन्दोलनयात दुथ्याकेमाःगु अडान तःगु खः ।

मुँज्या लिपा कार्यदलया दुजः भरतमोहन अधिकारीं थीथी इलय् जूगु आन्दोलनयात गुकथं दुथ्याकेगु धइगु बारे थौंया मुँज्याय् सहलह जूगु व दक्वं आन्दोलनयात दुथ्याकेगु यानाः प्रस्तावना तयेत दलत सहमति नापसं थ्यंगु धयादिल ।