जनआन्दोलनया दोषीतय्त पदक ब्यूगु विरुद्ध लाःगु रिट खारेज

नेपाल सरकारं जनआन्दोलनया दोषीतय्त विभुषित यायेगु निर्णय याःगु विरुद्ध लाःगु रिट सर्वोच्च आदालतं खारेज याःगु दु ।

सर्वोच्चया न्याधीशत बलराम केसी व मोहनप्रसाद सिटौलाया मंकाः इजलासं सुयात विभुषित यायेगु व सुयात मयायेगु धइगु विषय अदालतया व्याख्या दुने मलाइगु धासें रिट खारेज याःगु खः । सरकारं जनआन्दोलनया दोषीतय् विभुषित यायेगु निर्णय यायेवं इन्हुरेट इन्टरनेसनलया पाखें अधिवक्ता श्रीकृष्ण सुवेदीं रिट दायर याःगु खः ।

लुम्केबहजू, सरकारं जनआन्दोलनया दोषीतय् नं विभुषित यायेगु निर्णय यायेवं नागरिक समाज लगायत थीथी ख्यःया व्यक्तित्वय्तसं उगु पदक अस्वीकार याःगु खः ।