नेपाःया संस्कृति संरक्षणय् चीनं ग्वाहालि याइगु

सांस्कृतिक महत्वं नांजाःगु नेपाःया संस्कृति विकास व संरक्षणया निंतिं चीनं ग्वाहालि याइगु जूगु दु ।

नेपाःया भ्रमणय् दीम्ह चिनियाँ संस्कृति मन्त्री खाइ युं थौं नेपाःया संस्कृति मन्त्री डा. मिनेन्द्र रिजालनाप खँल्हाबंला यानादिसें नेपाःया संस्कृति संरक्षणया निंतिं ग्वाहालि यायेगु प्रतिबद्धता प्वकादीगु खः ।

चिनियाँ संस्कृति मन्त्री युं थौं तिनि निन्हुयंकया नेपाःया भ्रमणया निंतिं नेपाः थ्यंकादीगु खः । त्रिभुवन विमानस्थलय् पत्रकारतनाप खँल्हाबंला यानादिसें मन्त्री युं निगू देय् दथुइया सांस्कृतिक कालबिल व निगू देय् दथुइया स्वाप क्वाःतुकेगु निंतिं थः नेपाः भ्रमणय् वयागु प्रतिक्रिया बियादीगु खः ।