विशेष अधिवेशन सःतेत माओवादीं पहल याइगु

एकीकृत नेकपा (माओवादीं) संसदया विशेष अधिवेशन सःतेगु निंतिं पहल यायेगु निर्णय याःगु दु ।

माओवादी पदाधिकारीतय् आइतवाः च्वंगु मुँज्यां कामचलाउ सरकारं न्हूगु अधिवेशन आह्वान यायेगु बिचाः मयाःगु धासें अधिवेशन सःतेगु निंतिं थीथी दलत नाप सहलह यायेगु खँ क्वःछिउगु खः ।

प्रधानमन्त्री ल्ययेगु नापं थीथी विषयत तत्काल क्वचायेकेगु निंतिं नं संसदया अधिवेशन आह्वान यायेमाःगु धासें उकीया बारे थःगु पार्टीं मेमेगू दलतनाप सहलह यानाः अधिवेशन आह्वानया निंतिं कुतः यायेगु खँ माओवादीं धाःगु दु ।