नेवाः राष्ट्रिय राजनीतिक सम्मेलन (निन्हुया न्हि)
* थिमिया बालकुमारी छगू सभा मार्फत मंकाः संघर्ष समितिं प्यंगू बुँदे घोषणा सार्वजनीक याःगु खः । ज्याझ्वलय् संघर्ष समितिया नायः नरेन्द्रभक्त हाडां प्यंगू बुँदा ब्वनाः न्यंकादीगु खः । थ्वसिबें न्ह्यः छगू र्याली सम्मेलन केन्द्रं बालकुमारी तक वंगु खः ।
* दकलय् लिप्पांगु बन्दसत्रय् बोडे घोषणापत्र, समसामयिक प्रस्ताव व तत्काली हस्तक्षेपकारी ज्याझ्वःत न्ह्यब्वःगु दु ।
* प्यंगूगु बन्दसत्रय् राजनीतिक घोषणा व मस्यौदा न्ह्यब्वयेगु ज्या जुयाच्वंगु दु । स्वंगू बन्द सत्रय् अवधारणा मस्यौया नायः पुचःया प्रतिनिधितय्सं न्ववानादीगु खः । नायः पुचलय् दुथ्याःगु माओवादी सभासद् हितमान शाक्य, कांग्रेस नेता भिमसेनदास प्रधान, एमाले नेता राजेन्द्र श्रेष्ठ व नेपाः राष्ट्रिय पार्टीया नायः डा. केशवमान शाक्यिपंसं झिंनिगू पुचं न्ह्यब्वःगु प्रतिवेदनया बारे टिप्पणी यानादीगु खः ।
* नेवाः स्वायत्त राज्य मंकाः संघर्ष समितिया ग्वासलय् थिमिया बोड स्थित कृषि विकास बैंक स्थित तालिम केन्द्रय् जुयाच्वंगु नेवाः राष्ट्रिय राजनीतिक सम्मेलन सुरु जूगु दु । म्हिग झिंनिगू विषयलय् ब्वःथला जूगु पुचः सहलहलय् क्वमचाःगु सहलहलय् प्रतिनिधितय्सं हानं सहलह यानाः पुचः सहलह क्वचायेकूगु दु ।
आः स्वंगू बन्द सत्रय् थःथःगु पुचःया नायः पाखें प्रतिवेदन न्ह्यब्वयेगु व मंकाः सहलह जुयाच्वंगु ।
