नेवाः राष्ट्रिय राजनीतिक सम्मेलन (लाइभ अपडेट)
लिपांगु अपडेट
कन्हय् निन्हुया न्हि हानं सहलह यायेगु कथं थौंया सम्मेलन क्वचा:गु दु ।
निगूगु चरणया बन्द सत्र झिंनिगू पुचः ब्वः थलाः सहलह जुयाच्वंगु दु । झिंनिगू सहलह पुचःया विषय थुकथं दु -
१. छुनाखँ, नेपाल व नेवाः ऐतिहासिक नेपालमण्डल व नेवाः राज्य
२. नेवाः राज्यपिनेया नेवाःतय् अधिकार
३. सङ्घीय गणतन्त्र - राज्यया न्हू संरचना
४. नेवाः स्वायत्त राज्य व थ्वया लागा
५. नेवाः राज्यया संरचना व क्षेत्राधिकार
६. नेवाः राज्य व्यवस्था व शासन प्रणाली
७. नेवाः राज्यया आर्थिक नीति
८. नेवाः राज्यया सामाजिक व सांस्कृतिक नीति
९. नेवाः राज्यया शिक्षा व भाषा नीति
१०. नेवाः राज्यया समावेशीकरण नीति व गैरनेवाःतय् अधिकार
११. अवशिष्ट अधिकार सम्वन्धी नीति व विविध
१२. नेवाः राज्यदुनेया स्थानीय निकाय
३:०० ज्यना लिपा बोडे थिमिया कृषि विकास बैंकय् स्थित प्रशिक्षण केन्द्रय् न्हापांगु बन्द सत्र सुरु । आः थीथी झिगू घटकया नेतातय्सं राजनीतिक अवधारणा न्ह्यब्वयेगु ज्या जुयाच्वंगु दु ।
१:२५ "सिइ अथें छाय् स्यायेवं तुं भाय् .." बोलया हुलाप्याखंलिसे उलेज्या सत्र क्वचाल । थ्वयां लिपा बोडेया कृषि विकास तालिम भवनय् वन्द सत्र न्ह्याइ । थुगु सम्मेलनया अपडेट व मुक्कं कभरेजया लागि नेपालमण्डल.कम स्वया च्वनादिसँ ।
१:१५ - नेवाः स्वायत्त राज्य मंकाः संघर्ष समितिया नायः नरेनद्र भक्त हाडाजुं सुभाय् देछाना च्वनादीगु दु ।
१:०५ ज्यापु महागुथिया महासचिव राजभाइ जकःमिजुं सुभाय् देछाना च्वनादीगु दु ।
१:०० फ्यूचर स्टार इंग्लिस स्कूलपाखें धिमय् प्याखं न्ह्यब्वःगु दु ।
१२:५५ -सुर्योदय मावि पाखें "न्हिले मखंपिनि ज्या सदां हे... " बोलया म्येय् हुला प्याखं न्ह्यब्वयाच्वंगु दु ।
१२:५० - किकिंपा पुचः पाखें "झी झीगु निम्ति मखुसां..." बोलया म्येय् हुला प्याखं न्ह्यब्वयाच्वंगु दु ।
१२:४० - एनेकपा (माओवादी)या दिलिप प्रजापतिं थःगु नुगः खँ प्वंका च्वनादीगु दु ।
१२:३५ - अष्टमात्रृका प्याखं ब्वज्या न्ह्याःगु दु ।
१२:२० - नेपाली कांग्रेसया नेता तिर्थराम डंगोलजुं न्ववाना च्वनादीगु दु ।
१२:१० - नेकपा एमालेया सिद्धिलाल सिंहं थःगु बिचाः प्वंका च्वनादीगु दु ।
११:३० - सानुराजा शाक्यं ज्याझ्वः न्ह्याकादिल ।
नेवाः स्वायत्त राज्य मंकाः संघर्ष समितिया नायः नरेनद्र भक्त हाडायात सभानायः ल्यःगु दु ।
ख्वप देय्या कुमारी माजु, झिगू कवःया नायःपिं, सल्लाहकारपिं, नेवाः सभासद्पिं, आर्थिक संयोजनया दुजःपिं, ख्वप व थिमिया ग्वसाः खलःया नायःपिं राजनीतिक दलया नायः नेतापिन्त दबुलिइ ब्वन ।
त्रिरत्न शाक्यजुं लसकुस न्वचु बियादिल ।
मू बुखँ
नेवाः स्वायत्त राज्य मंकाः संघर्ष समितिया ग्वसालय् नेवाः राष्ट्रिय रजानीतिक सम्मेलन ख्वपया खःमाय् सुरु जूगु दु । नेपाःया राष्ट्रिय म्ये व नेवाः स्वायत्त राज्यया म्येपाखें न्ह्याःगु सम्मेलनया उलेज्या ख्वपया कुमारीं त्वाःदेवाय् मत च्याकाः याना बिज्याःगु खः ।
उलेज्यालिसें कुमारीं नेवाः स्वायत्त राज्य मंकाः संघर्ष समितिया झिगू घटकया नायःपिन्त नेवाः राज्यया ध्वाँय् लःल्हाना बिज्याःगु खः । सम्मेलन सुरु जुइ स्वयां न्ह्यः थीथी खलः पुचःया प्रतिनितिकय्सं र्याली पिथंगु खः ।
