'सेना ब्यारेकं पिहां वःसां जिउ'

येँ (सन्ध्या टाइम्स)/पुलांम्ह प्रधानमन्त्री नापं राष्ट्रिय जनशक्ति पार्टीया अध्यक्ष सूर्यबहादुर थापां माओवादीं शिविरय् च्वनाच्वंपिं लडाकुयात राजनीतिइ सालाः शान्ति प्रक्रियात तप्यंक हे हाथ्या बिउगु द्वपं बियादीगु दु। नेपाल पत्रकार महासंघ धनकुटाया ग्वसालय् थौं अन याःगु ज्याझ्वलय् न्ववासें वय्कलं थ्व खँ धयादीगु खः। नेता थापां शान्ति प्रक्रियायात छगू पक्षं त्वाःथलेगु ज्या जुइधुंकूगु जूगुलिं आः नेपाली सेना नं ब्यारेकय् कुंकाः च्वनेमाःगु आवश्यकता मदु धकाः नं धयादिल ।