हिरासतय् बन्दी सीवं चितवन बन्द
चितवन (सन्ध्या टाइम्स)/रत्ननगर इलाका प्रहरी ज्याकूया हिरासतय् सीम्ह सोमबहादुर दराईया छेँजःयात राहत बीमाःगु माग यासें थौं चितवन बन्द यात ।
माओवादीनाप सतीगु अखिल नेपाल निर्माण मजदुर संघ जिल्ला समितिया आह्वानय् उगु बन्द जूगु खः। बन्दया झ्वलय् उमिसं नागरायणगढया पुल्चोक व रत्ननगरया टाँडीइ टायर च्याकाः प्रदर्शन यानाच्वंगु दु ।
साइकल खूगु द्वपनय् ज्वनातःम्ह दराइनं हिरासतय् हे आत्महत्याया कुतः याःगु व वयां लिपा वासः याकुयाकुं वंगु असोज ६ गते सीगु खः धकाः प्रहरीं धाःगु जुयाच्वन। तर छेँजःपिंसं प्रहरीया यातनां सीगु खः धासें विरोध याना वयाच्वंगु दु ।
