धर्मोदयया ६७ दँ बुन्हि कुन्हु संघभोजन
येँ (सन्ध्या टाइम्स)/नेपाःया हे दकलय् पुलांगु राष्ट्रिय बौद्ध संस्था धर्मोदय सभा नीस्वंगु खुइन्हय्दँ क्यंगु लसताय् संघ भोजनयालिसें विशेष ज्याझ्वः जुल। स्वयम्भुया आनन्दकुटी विहारय् न्ह्याःगु उगु ज्याझ्वलय् मूपाहां त्रिपिटकाचार्य कुमार काश्यप महास्थवीरं दीप प्रज्ज्वलन यानाः उलेज्या यानाबिज्याःगु खः। ज्याझ्वलय् उपसंघनायक भिक्षु अश्वघोष महास्थवीरं शील प्रार्थना यानाबिज्याःगु खः ।
धर्मोदय सभाया नायः बद्री गुर्जुया अध्यक्षताय् जूगु उगु ज्याझ्वलय् वरिष्ठ उपाध्यक्ष लक्ष्मीदास मानन्धर, संरक्षक फणिन्द्ररत्न बज्राचार्य, नेपाः राष्ट्रिय पार्टीया नायः डा. केशवमान शाक्य, उपाध्यक्ष सुवर्ण शाक्य आदिपिंसं धर्मोदय सभाया उत्थानया विषयय् नुगःखँ प्वंकादीगु खः।
ज्याझ्वलय् लामा गुरु काल संघ (किन्डोल विहार) लगायत आपालं बज्राचार्य उपासक�उपासिकानापं भिक्षु व अनागारिकापिं उपस्थित जुयादीगु खः। ज्याझ्वलय् भन्ते व गुरुमांपिंत दान व दक्षिणा बीगु ज्या नं जूगु खः ।
