च्याक्वःगु ज्ञानमाला नवजागरण
येँ (सन्ध्या टाइम्स)/बुद्धधर्म कथं व्यवहारय् च्वनेगु निंतिं प्रतिवद्धता जाहेर याये कथं न्ह्याना वयाच्वंगु च्याक्वःगु "नवजागरण अभियान" सम्पन्न जुल। थानकोटया जितवन विहारय् जूगु उगु ज्याझ्वः भिक्षु अशोकं पंचशीलया पाठ यासें न्ह्याकादीगु खः ।
केन्द्रीय समितिया अध्यक्ष प्रा. सुवर्ण शाक्यया अध्यक्षताय् जूगु उगु ज्याझ्वलय् महासचिव अमीरमान शाक्यं अभियानया विषयय् न्ववानादीगु खः। ज्याझ्वलय् प्रा. सुवर्ण शाक्यं नवजागरण अभियानया मू उद्देश्य न्ह्यब्वयादीगु खः। विहारया भन्ते अशोकपाखें धर्म देशना जूगु उगु ज्याझ्वलय् थानकोटया प्रतिष्ठित समाजसेवी शंकर मानन्धरं विहारया गतिविधि बारे कनादीगु खः।
ज्याझ्वःया प्रमुख सल्लाहकार शान्तरत्न शाक्यं लसकुस यानादीगु उगु ज्याझ्वलय् वरिष्ठ उपाध्यक्ष किरणकुमार जोशीं सुभाय् बियादीगु खः। बलम्बु ज्ञानमाला भजन खलःपाखें ज्ञानमाला भजन हालेगु ज्या नं जूगु उगु ज्याझ्वलय् विहारया आपालं उपासक�उपासिकापिनिगु सहभागिता दुगु खः ।
