सेना ब्यारेक दुने च्वना च्वनेत बाध्य मदु : थापा
राष्ट्रिय जनशक्ति पार्टीया नायः सूर्यबहादुर थापां लडाकूत शिविरं पिने वयाः राजनीतिक ज्याझ्वलय् ब्वति कयाच्वंगुलिं नेपाली सेना नं ब्यारेक दुने हे च्वना च्वनेत बाध्य मजूगु खँ धयादीगु दु ।
नेपाल पत्रकार महासंघं धनकुटाय् याःगु पत्रकार सम्मेलनय् नायः थापां माओवादीं लडाकूतय्त विस्तारित मुँज्याय् ब्वति याकूगुलिं आः सरकारं नं सेनायात पिने वयेत उजं ब्यूसां छुं नं मपाइगु बिचाः प्वंकादिल ।
पुलांम्ह प्रधानमन्त्री नं जुयादीम्ह थापां दलत व्यत्तिगत व दलीय स्वार्थय् लगे जुयाच्वंगुलिं राजनीतिक गतिरोध ताःहाक जुयाच्वंगु धासें माओवादी व एमाले थुकीया मुख्य जिम्मेवार जूगु द्वपं बियादिल । आःया अवस्था स्वयेगु खःसा थप जूगु इलय् नं संविधान निर्माण सम्भव मजूगु दावी नं थापां यानादिल ।
देय्या प्रजातान्त्रि शक्तित छप्पँ जुइमफुलिं देशय् समस्या ब्वलनाच्वंगु धासें वय्कलं देशयात निकाश बीत दकलय् न्हापां प्रजातान्त्रिक शक्तित मिले जुइमाःगु धयादलि ।
