उच्चस्तरीय कार्यदलया मुँज्या निष्कर्षविहीन

संविधानसभाया विवाद ज्यंकेत निस्वंगु उच्चस्तरीय कार्यदलया थौं च्वंगु मुँज्या निष्कर्षविहीन जूगु दु ।

सिंहदरवारय् च्वंगु कार्यदलया मुँज्याय् मौलिक अधिकार व निर्देशक सिद्धान्त समितिया प्रतिवेदनय् सहलह जूगु खः । सहलहस १८दँ दुपिं नागरिकतय्त सैन्य तालिम बीगु वा मबीगु बारे दलत दथुइ विवाद जूगु खः । माओवादीं सैन्य तालिमं राज्ययात हे फाइदा जुइगु धासें अनिवार्य सैन्य तालिम बीमाःगु अडान काःगु खःसा मेमेगू दल उकीया विपक्षय् खनेदुगु खः ।

थौं च्वंगु मुँज्याय् माओवादी, कांग्रेस, एमाले लगायत दलया शीर्ष नेतातय्सं ब्वति कयामदी । आः मेगू मुँज्या कन्हय् च्वनीगु जूगु दु ।