थौं लिम्बुवानय् मसाल जुलुस, कन्हय् बन्द
येँ (सन्ध्या टाइम्स)/लिम्बुवान स्वायत्त राज्यया माग यासें संघीय लोकतान्त्रिक राष्ट्रिय मञ्चं थौं लिम्बुवानय् मसाल जुलुस पिकाइगु जूगु दु। उगु मञ्चं थौं अरुण व सप्तकोशीं पूर्वपाखे लाःगु गुंगू जिल्लाय् अथे मसाल जुलुस पिकायेगु तयारी यानाच्वंगु दु। अथे हे कन्हय् लिम्बुवान बन्द यायेगु धकाः मञ्चं घोषणा यानातःगु दु। उगु मञ्चया महासचिव खगेन्द्र माखेमं संघीय गणतान्त्रिक नेपालय् लिम्बुवान स्वायत्त राज्यया सुनिश्चित मजूतले हे प्रत्येक महिनाया १४ गते मसाल जुलुस अले १५ गते लिम्बुवान बन्द यायेगु ज्याझ्वः दयेकूगु दु। जेष्ठ १४ गते नं संविधान मवल धाःसा अन समानान्तर सरकार हे गठन यायेगु खँ नं लिम्बुवान नेतातय्सं धाःगु दु ।
