संसद घटनाया प्रतिवेदन लःल्हात

संसद सचिवालयं व्यवस्थापिका संसदय् वंगु मंसिर ३ गते जूगु घटनाया बारे अध्ययन प्रतिवेदन सभामुख सुभाषचन्द्र नेम्वाङयात लःल्हाःगु दु ।

संसद सचिवालयं संसदय् जूगु घटनाया अध्ययन यानाः तयार याःगु प्रतिवेदन थौं सिंहदरवार स्थित सभामुखया सभाकक्षय् लःल्हाःगु खः । उगु प्रतिवेदनय् घटना गुकथं जूगु, घटनाया विवरण व घटनाया दोषीतय् नां दुथ्याकातःगु दु ।

घटनाया बारे अध्ययन यानाः प्रतिवेदन लःल्हायेत सभामुख नेम्वाङं संस्दीय सचिवालययात निर्देशन ब्यूगु खः । वंगु मंसिर ३ गते अर्थमन्त्री सुरेन्द्र पाण्डें बजेट पेश यायेगु झ्वलय् माओवादी सभासदतय्सं वय्कयात दुर्यव्यवहार याःगु खः ।