प्रधानमन्त्री नेपाल झिंछन्हुयंकया विदेश भ्रमणय्
प्रधानमन्त्री माधवकुमार नेपाल झिंन्हुयंकया विदेश भ्रमणय् झायादीगु दु । प्रधानमन्त्री नेपाल एसियाली राजनीतिक दलतय् संगठन आईक्यापया १४क्वःगु सम्मेलनय् ब्वति कायेत न्याम्ह दुजः दुगु प्रतिनिधिमण्डलया नेतृत्व यासें कम्बोडिया प्रस्थाना यानादीगु खः । पीगू देशं ब्वति काइगु आईक्यापया मुँज्या प्यन्हु तक न्ह्याइ ।
वयां लिपा तस्कं कम विकसित राष्ट्रतय् सम्मेलनय् ब्वति कायेत प्रधानमन्त्री नेपाल अनं हे ब्रसेल्स वनीगु ज्याझ्वः दु । तसंक कम विकसित राष्ट्रया अध्यक्ष नेपाः जूगुलिं उकीया प्रतिनिधित्व यासें प्रधानमन्त्री नेपालं मुँज्याय् ब्वति कयादी ।
बैंकक जुया कम्बोडिया प्रस्थान याये न्ह्यः प्रधानमन्त्री नेपालं राजनीतिक गतिरोध ज्यंकेत थःगु उपस्थिति आवश्यक मजूगु धयादिल । प्रमुख दलया शीर्ष नेतातय् मुँज्यां थुकीयात ज्यंकीगु जूगुलिं थःगु विदेश भ्रमणं छुं नं लिच्वः मलाइगु धयादिल । वय्कलं थःगु उपस्थिति आवश्यक जुसाः थः भ्रमण चिहाकः यानाः लिहांवयेगु धयादिल ।
झिंछन्हुया भ्रमण क्वचायेकाः प्रधानमन्त्री नेपाल मंसिर २४ गते नेपाः लिहांझाइगु ज्याझ्वः दु ।
