दलत नाप थप सहलह यायेगु माओवादीया निर्णय

प्रधानसेनापतिया कारवही प्रकृयात कया: अप्वयाच्वंगु राजनीति गतिरोधया बारे सहलह यायेत च्वंगु एकीकृत नेकपा (माओवादी) सचिवालयया बैठकं दलत नाप थप सहलह यायेगु निर्णय याःगु दु ।

बिहिवाः प्रधानमन्त्री निवास बालुवाटारय् च्वंगु सचिवालय बैठकय् सेनापतिया कारवाही व नेपाली कांग्रेसं कारवाही प्रकृया लित कायेत अडान कयाच्वंगु विषयलय् सहलह जूगु खः । बैठक लिपा संचारकर्मीत नाप खँ ल्हासें माओवादी प्रवक्ता दिनानाथ शर्मां माओवादीं थ्व विषयलय् दलत नाप अन्तिम चरणया सहलह याइगु व उकी नं सहमति मजूसाः एकतर्फी ढङ्ग निर्णय याइगु जानकारी बियादिल । म्हिग सेना पिकाःगु वक्तव्यया बारे बैठकय् छुं खँ मजूगु प्रवक्ता शर्मा धयादिल ।

थ्वस्वयां न्ह्यः माओवादी सरकारं पिहावनेमासां नं प्रधानसेनापतियात कारवाही यायेगु निर्णय याःगु खः ।