विशेष समितिया सचिवालय कजिया जिम्मा पूर्वरथीयात

सेना समायोजन विशेष समितिया सचिवालय कजिया जिम्मा नेपाली सेनाया पुलांम्ह रथी बालानन्द शर्मायात ब्यूगु दु ।

सेना समायोजन विशेष समितिया मंगलवाः सुथय् च्वंगु मुँज्यां समितिया माहत दुगु प्राविधिक समितिया दुजः शर्मायात कजि नियुक्त याःगु खः । माओवादीया नापं सहमतिलय् शर्मायात कजिलय् नियुक्त याःगु खः ।

माओवादी लडाकुया कमाण्ड कन्ट्रोल याइगु सचिवालयया मेपिं दुजःत धाःसा मनोनयन याये ल्यँ दनी । माओवादीं दुजःलय् नन्दकिशोर पुन 'पासाङ'यात छ्वयेगु तयारी याःगु दु ।