'नेपाःया राजनीतिक गतिरोधय् भातरया ल्हाः मदु'
भारतीय प्रोफेसर नापं नेपाः मामिलाय् विशेषज्ञा एसडी मुनीं नेपाःया राजनीतिक गतिरोध ताःहाक जुयाच्वंगुलि भारतया छुं नं भुमिका मदुगु स्पष्ट यानादीगु दु ।
थौं येँय् जूगु साक्षात्कार ज्याझ्वलय् मुनीं भारतं नेपालय् अस्थिरता चाहे मजूगु धयादिल । वय्कलं नेपाः अस्थिर जुयाच्वंसाः उकीया लिच्वः भारतयात नं लाइगु धासें अज्याःगु पक्षय् भारत मदुगु धयादिल ।
नेपाःया राजनीतिक गतिरोध ज्यनेमफुगु कारण भारत हे खःसा धकाः न्यंगु न्ह्यसःलय् मुनीं यदि नेपाः आन्तिरिक रुपं बल्लासाः सुनां नं छुं यायेमफइगु धासें थुकी न्ह्यावलें भारतयात जक दोष बीगु पाय्छि मजूगु धयादिल ।
थ्वस्वयां न्ह्यः थौं हे माओवादी नायः पुष्पकमल दाहाल 'प्रचण्ड'नाप खँल्हबंला यानादीगु खः । उगु इलय् प्रचण्डं थः भारत विरोधी मखुसां थःत संचारमाध्यमं भारत विरोधी दयेकाब्यूगु खँ कंगु जानकारी मुनीं बियादिल ।
