विदेश भ्रमण बारे प्रमपाखें राष्ट्रपतियात जानकारी

एसियाली राजनीतिक दलतय् संगठन आईक्यापया १४क्वःगु सम्मेलनय् ब्वति कायेत कन्हय् क्याम्बोडिया झायेत्यम्ह प्रधानमन्त्री माधवकुमार नेपालं उकीया बारे राष्ट्रपति डा. रामवरण यादवयात जानकारी बियादीगु दु ।

थौं सनिलय् राष्ट्रपति भवन शितल निवासय् थ्यंकाः प्रधानमन्त्री नेपालं थःगु भ्रमण बारे जानकारी बियादीगु खः । वय्कलं राजनीतिक गतिरोध ज्यंकेगु निंतिं थःगु भ्रमणं छुं नं लिच्वः मलाकीगु धासें माःसा भ्रमण चिहाकः यानाः थः नेपाः लिहांवयेगु धयादिल ।

उगु इलय् संसदया अधिवेशन, राजनीतिक गतिरोध लगायतया बारे नं वय्कपिं दथुइ खँल्हाबंला जूगु खः ।