थौं मन्त्रिपरिषद्या बैठक
येँ (सन्ध्या टाइम्स)/मन्त्रिपरिषद्या बैठक थौं सनिलय् च्वनीगु जूगु दु। प्रधानमन्त्रीया ज्याकू सिंहदरवारय् सनिलय् ४ बजेनिसें थ्व बैठक च्वनीगु ज्याझ्वः दु। थौंया बैठकय् नेपाली सेनाया अधिकृततय्गु म्याद थप व बढुवाया निर्णय याइ धाःगु दु। अथे हे २०६८ सालय् याइगु राष्ट्रिय जनगणना, प्रधानमन्त्री माधवकुमार नेपालं यायेत्यंगु कम्बोडिया भ्रमण अनुमोदन नापं मेमेगु एजेण्डा दुगु खँ विनाविभागीय मन्त्री लक्ष्मणलाल कर्णं कनादीगु दु। मंसीर १५ गते निसें जुइगु एसियाली राजनीतिक दलतय्गु संगठन आइक्याम्पया १४ क्वःगु सम्मेलनय् आईक्यापया स्थायी समितिया दुजःया ल्याखं प्रधानमन्त्री नेपाल कन्हय् कम्बोडिया झायत्यंगु खः ।
